Nýr Svartfugl krýndur

Glæpasagnaverðlaunin Svartfuglinn voru afhentur fyrr í vikunni við hátíðlega athöfn í Gröndalshúsi. Eliza Reid, forsetafrú afhenti verðlaunin líkt og í fyrra. Að þessu sinni var það bókin Hefndarenglar eftir Eirík P. Jörundsson sem bar sigur úr býtum. Eiríkur hefur lengi ætlað að skrifa glæpasögu, segir hann í frétt á mbl.is. Hann hafi því slegið til þegar hann frétti af verðlaununum Svartfulginum árið 2017 og látið verða að því að skrifa glæpasögu. Í lýsingu á bókinni segir:

Þetta er sumarið sem breyttist í martröð. Sumarið þegar björt og saklaus tilvera hennar hrundi til grunna á einu löngu síðdegi. Þegar grár drungi lagðist óvænt yfir eilifa birtu Jónsmessunnar.

Blaðamaðurinn Sölvi er sendur til æskustöðva sinna, Súðavíkur, til að leita frétta af morði sem framið hefur verið í þorpinu. Samhliða því að setja sig inn í ýmis mál sem tengjast hinum myrta er hann skikkaður til að aðstoða unga og dugmikla blaðakonu sem vinnur að frétt um misnotkun á ungum stúlkum í undirheimum Reykjavíkur. Bæði málin taka óvænta stefnu og varpa nýju ljósi á skelfilega atburði úr fortíðinni.

Svartfulginn er glæpasagnaverðlaun sem Yrsa Sigurðardóttir og Ragnar Jónasson stofnuðu til í samvinnu við Veröld. Þetta er í annað sinn sem verðlaunin eru veitt en Eva Björg Ægisdóttir bar sigur úr býtum á síðasta ári með bókinni sinni Marrið í stiganumVerðlaunin eru ætlum þeim höfundum sem ekki hafa sent frá sér glæpasögu áður.

Lestu þetta næst

Barnið er svangt

Barnið er svangt

Sól_Ey, Lokaverk af sviðshöfundabraut við LHÍ eftir Egil Andrason. Stofa L220 er lítil og...

Höfugur ilmur

Höfugur ilmur

Meðan leikhúsgestir streyma inn í Kassann í Þjóðleikhúsinu stendur Unnur Ösp bakvið örþunnt og...

Tíminn teygir úr sér

Tíminn teygir úr sér

X eftir Alistair McDowall Klukkan er 20:07 og Ray er að fá sér að borða. Gilda orðar áhyggjur...

Hægt og hljótt

Hægt og hljótt

Hvítalogn er fimmtánda skáldsaga Ragnars Jónassonar og önnur bókin í þríleiknum um lögreglumanninn...