Þegar líða tekur á maí verður erfiðara og erfiðara að lesa. Skólabækurnar taka mikinn tíma og sólin kallar fyrir utan gluggann, lofandi öllu fögru. Hafðu samt í huga að það er ennþá skítakuldi fyrir utan gluggann.

Þegar svona stendur á er ekki hægt að sökkva sér í djúpar skáldsögur sem krefjast of mikils af heilabúinu. Í huganum ertu upptekin/nn við að skipuleggja garðvinnu, læra fyrir prófið í næstu viku, koma af þér þessari ritgerð eða lesa í síðasta sinn yfir glósurnar. Hugurinn er upptekinn og því ætti að velja lesefni sem slakar á huganum.

Sjálfri finnst mér ekkert betra en að lesa svæsna vísindaskáldsögu, með vafasamri persónusköpun, eða fallega ástarsögu sem fylgir í þaula fyrirframgefinni formúlu. Það er afslappandi og hrein afþreying að lesa þannig bækur.

Maí mánuður verður því tileinkaður bókum sem okkur í Lestrarklefanum þykir vera hrein afþreying, það er svo annað mál hvort lesendur okkar eru því sammála og þið megið gjarnan láta í ykkur heyra á samfélagsmiðlum. Okkur þykir gaman að heyra frá ykkur.

#Hreinafþreying #Lestrarklefinn

Lestu þetta næst

Barnið er svangt

Barnið er svangt

Sól_Ey, Lokaverk af sviðshöfundabraut við LHÍ eftir Egil Andrason. Stofa L220 er lítil og...

Höfugur ilmur

Höfugur ilmur

Meðan leikhúsgestir streyma inn í Kassann í Þjóðleikhúsinu stendur Unnur Ösp bakvið örþunnt og...

Tíminn teygir úr sér

Tíminn teygir úr sér

X eftir Alistair McDowall Klukkan er 20:07 og Ray er að fá sér að borða. Gilda orðar áhyggjur...

Hægt og hljótt

Hægt og hljótt

Hvítalogn er fimmtánda skáldsaga Ragnars Jónassonar og önnur bókin í þríleiknum um lögreglumanninn...