Þann 20. janúar síðastliðinn var opnuð sýningin Þetta vilja börnin sjá! á Borgarbókasafninu í Gerðubergi. Á sýningunni er hægt að skoða myndskreytingar úr íslenskum barnabókum sem komu út á árinu 2018. Sýningin í Gerðubergi stendur til 31. mars og er opin á milli 9:00 og 18:00. Eftir 31. mars fer sýningin á flakk um landið. Fyrsti viðkomu staður er Amtsbókasafnið á Akureyri, þar sem sýningin opnar í byrjun apríl.
Á sýningunni má meðal annars sjá teikningar Ryoko Tamura sem myndskreytti Stelpan sem týndi bróður sínum í ruslinu, teikningar eftir Sigrúnu Eldjárn og Rán Flygenring, sem myndskreytti meðal annars bækurnar Fuglar og Skarphéðinn Dungal. Sýningin í ár er sú sautjánda og er vel til þess fallin að sýna þá fjölbreytni og fagmennsku sem er að finna í íslenskri barnabókaútgáfu. Að þessu sinni taka nítján teiknarar þátt í sýningunni:
- Anna Lísa Björnsdóttir
- Arnór Kárason
- Bergrún Íris Sævarsdóttir
- Elsa Nielsen
- Freydís Kristjánsdóttir
- Hafsteinn Hafsteinsson
- Heiða Rafnsdóttir
- Heiða Björk Norðfjörð
- Ingi Jensson
- Kristín Ragna Gunnarsdóttir
- Laufey Jónsdóttir
- Linda Ólafsdóttir
- Martine Jaspers-Versluijs
- Rán Flygenring
- Ryoko Tamura
- Sigmundur B. Þorgeirsson
- Sigrún Eldjárn
- Svafa Björg Einarsdóttir
- Þórarinn Már Baldursson
