Lestrarklefinn var á dögunum í samstarfi við Átak, félag fólks með þroskahömlun og Listvinnzluna en út frá þessu góða samstarfi spratt upp ljóðasmiðja, ljóðaupplestur á Menningarnótt og afraksturinn, ljóðin eftir hin fjölbreyttu skáld, fá nú að vera birt hér á vef Lestrarklefans.
Mörg skáldanna hafa verið að skrifa lengi og önnur voru að spreyta sig á ljóðlistinni í fyrsta skiptið.
Það var svo vont
svo hræðilegt þetta var svo
óréttlátt
ég veit ég er öðruvísi
en það er ekki satt og
ekki rétt ég er ekki skrímsli
eða einskisvert ógeð sem
er ekki þess verð að anda
og á að gera heiminum greiða
og bara drífa sig í að
drepast
ég er hér
ég á það skilið og
ég veit það þessvegna
er ég glöð að bara
vera ég
það var besta tilfinning í heimi
þegar ég uppgötvaði það.
ESMÓ.
———————————————————————————————————————–
Það er pínu ljós svo meira og
meira úff þetta er of mikið of
snemma
kræst ljósið brennur en
en það er kominn dagur
þarf að vinna
þó að það sé eiginlega ennþá nótt
andskotinn djöfullinn hvað ég vil
bara sofa æ
ég er enn sofandi
sofandi.
ESMÓ.
