Glæpasögur í apríl – páskakrimminn

Bækur eiga að vera bráðnauðsynlegar allt árið! Það finnst okkur í Lestrarklefanum að minnsta kosti. Þess vegna finnst okkur tilefni til að herma eftir frændum okkar, Norðmönnunum, þegar kemur að hefðinni í kringum páska. Í Noregi fara nefnilega allir í„hytte“ með „påskekrimen“ yfir páskana. Þess vegna reyna bókaútgefendur að koma öllum glæpasögnum út rétt fyrir páskana og samkeppnin er víst ansi hörð í landi fjalla, fjarða og skóga.

Sennilega er mest gefið út af glæpasögum af öllum bókategundum í heiminum. Þær eru alls staðar og hinn almenni lesandi verður seint þreyttur á að lesa góða glæpasögu. En þrátt fyrir að vera víðlesnar hefur oft verið litið niður á glæpasögurnar. Þær sagðar óæðri öðrum bókmenntum, ekki eins fínar. En það þarf mikla lagni til að geta skrifað góða glæpasögu, þótt formúlan sé kannski alltaf sú sama. En ætli það sé ekki bara það sem lesandinn vill? Stundum er bara notalegt að geta lesið góða bók í afslöppun, þótt maður hafi góða hugmynd um hvernig hún endi.

Kipptu með þér páskakrimma í bústaðinn í apríl. Hver veit nema páskakrimminn leynist ekki bara í bústaðnum. Nartaðu í páskaegg og góðan krimma. Lestu með okkur glæpasögurnar! #páskakrimmi #lestrarklefinn

Lestu þetta næst

Geturðu elskað mig núna?

Geturðu elskað mig núna?

Þegar Hvítfeld, fyrsta skáldsaga Kristínar Eiríksdóttur, var sett fyrir í bókmenntafræðiáfanga sem...

Ögrandi smásagnasafn

Ögrandi smásagnasafn

Bókmenntir Suður-Ameríku hafa alltaf heillað mig. Smásögur eru töluvert virðingaverðara...