Stjörnugjöfin aflögð

Katrín Lilja

Ritstjórn Lestrarklefans hefur ákveðið að leggja stjörnukerfið á hillluna. Hér eftir verða ekki gefnar stjörnur fyrir bækur á Lestrarklefanum. Frekar verður lögð áhersla á vandaðar og upplýsandi umfjallanir um bækurnar. Upphaflega var aldrei ætlunin að Lestrarklefinn gæfi stjörnur á eins flókna listsköpun og ritverk.

Stjörnuverðbólgan, sem einkenndi síðasta jólabókaflóð, gerði stjörnugjöf að einhverju leiti ómarkverða. Fjöldi bóka sem fengu fimm stjörnudóma á miðlum, meðal annars hjá Lestrarklefanum, var úr samhengi. Við hlýtum því orðum Kolbrúnar Bergþórsdóttur og leggjum niður stjörnukerfið okkar og reynum að axla ábyrgð og færa íslenska bókmenntaumfjöllun í átt frá stjörnum og að merkingabærari umræðu.

Pennar Lestrarklefans leggja sig fram um að vera vandvirkir og sanngjarnir í umfjöllunum sínum. Það dregur úr vægi umfjallaninnar sjálfrar þegar mest áhersla er lögð á stjörnur, en ekki það sem sagt hefur verið um bókina. Við vonum með þessu að lesendur okkar gefi orðunum meira vægi og kjósi að lesa bækur út frá umfjöllun, en ekki stjörnugjöf.