Eygló Sunnar kláraði áttunda bekk í vor og hefur mikinn áhuga á furðusögum.
Í nýjum hlaðvarpsþætti tók Katrín Lilja stöðuna í lestrinum hjá Eygló Sunnu Kjartansdóttur, ungum lestrarhesti sem var að ljúka við áttunda bekk í Brekkubæjarskóla á Akranesi. Eygló hefur sérstakt dálæti á furðusögum og góðum skáldsögum. Uppáhaldsbækurnar hennar eru bókaflokkurinn um Hungurleikana og hana hlakka til að lesa nýjustu bókina í seríunni, Danskvæði um söngfugla og slöngur.
Hjördís hefur starfað sem kennari í 35 ár og hefur mikla reynslu af lestrarkennslu.
Þegar grunnskólarnir fara í sumarfrí standa foreldrar frammi fyrir því að þurfa að skapa lestraráhuga og viðhalda lestri barna sinna. Það getur verið nokkur áskorun að fá börnin til að lesa, ekki síst þegar börnin eru kannski áhugalaus um lesturinn. Lestrarklefinn heyrði í Hjördísi Hjartardóttur, kennara í Brekkubæjarskóla sem hefur sérhæft sig í lestrarkennslu. Hennar ráð innihalda meðal annars lestur með börnunum, skiptilestur, góðar bækur og að gera lesturinn að leik.
Ingibjörg Ösp hefur lesið nær allar bækurnar í barna- og unglingadeildinni.
Og þá er spurningin hvernig eigi að finna góðar bækur. Bókasöfnin búa yfir frábæru starfsfólki og að minnsta kosti einn starfmaður á hverju safni ætti að búa yfir sérþekkingu um barnabækur. Þess vegna heyrðum við í Ingibjörgu Ösp Júlíusdóttur, bókasafns- og upplýsingatæknifræðingi á Bókasafni Akraness, sem hefur starfað á skólabókasafni til margra ára áður en hún fór að vinna á Bókasafni Akraness.
Allir hlaðvarpsþættir Lestrarklefans birtast fljótlega inni á Spotify undir nafninu Bókamerkið.
