Vonda stjúpmamman

downloadFjöldinn allur af börnum þurfa að glíma við það að foreldrar þeirra skilja og taka svo saman við einhvern annan. Í bókinni Norn  eftir Kim Fupz Aakeson og Rasmus Bregnhöi er tekist á við þær tilfinningar sem börn þurfa að glíma við þegar nýr maki kemur inn í spilið.

Í bókinni þarf ungur strákur að berjast við norn sem hefur tekið yfir líf pabba hans. Hún er með oddmjóan hatt, vörtu á nefinu, græn, lyktar af brennisteini og galdrar. Hún gefur honum nornamat að borða og það versta er að hún hefur dáleitt pabba hans, sem sér ekki hve ógeðsleg hún er. Eftir því sem líður á bókina breytist nornin hægt og rólega í venjulega konu, sem er bara alls ekkert svo slæm eftir allt saman. Það er nefnilega hægt að venjast öllu.

Bókin er skemmtilega myndskreytt og það er hægt að hlæja að henni. Hún gagnast örugglega börnum sem þurfa að taka á móti nýrri persónu í líf sitt og annars foreldrisins. Þýðingin, eftir Guðna Kolbeinsson, er vel gerð og bókin er auðveld aflestrar, sem skiptir miklu máli þegar lesið er fyrir börn.

Lestu þetta næst

Barnið er svangt

Barnið er svangt

Sól_Ey, Lokaverk af sviðshöfundabraut við LHÍ eftir Egil Andrason. Stofa L220 er lítil og...

Höfugur ilmur

Höfugur ilmur

Meðan leikhúsgestir streyma inn í Kassann í Þjóðleikhúsinu stendur Unnur Ösp bakvið örþunnt og...

Tíminn teygir úr sér

Tíminn teygir úr sér

X eftir Alistair McDowall Klukkan er 20:07 og Ray er að fá sér að borða. Gilda orðar áhyggjur...

Hægt og hljótt

Hægt og hljótt

Hvítalogn er fimmtánda skáldsaga Ragnars Jónassonar og önnur bókin í þríleiknum um lögreglumanninn...