Umsóknarfrestur í Svartfuglinn rennur út á morgun

Síðustu forvöð eru að senda inn handrit í keppnina um Svartfuglinn í dag. Umsóknarfrestur rennur út á morgun. Upphaflegur skilafrestur var til 1. janúar en fresturinn var framlengdur til 10. janúar 2019. Handitum skal skilað í þríriti til Veraldar að Víðimel 38, 107 Reykjavík. Þau eiga að vera merkt dulnefni en rétt nafn höfundar fylgi með í lokuðu umslagi. Höfundurinn má ekki hafa gefið út glæpasögu áður. Komist dómnefndin að þeirri niðurstöðu að ekkert handrit uppfylli kröfur hennar getur hún ákveðið að veita ekki verðlaunin það ár.

Verðlaunin eru stofnuð af Yrsu Sigurðardóttur og Ragnari Jónassyni í samvinnu við bókaútgáfuna Veröld. Samkeppnin er ætluð höfundum sem hafa ekki sent frá sér glæpasögu áður. Verðlaunin nema 500.000 krónum auk hefðbundinna höfundarlauna samkvæmt rammasamningi Félags íslenskra bókaútgefanda og Rithöfundasambands Íslands. Einnig býðst sigurvegaranum samningur við umboðsmanninn David H. Headley, en tímaritið Bookseller útnefndi hann sem einn af 100 áhrifamestu mönnum breskrar bókaútgáfu árið 2015.

Sigurvegari Svartfuglsins á síðasta ári, Eva Björg Ægisdóttir, sendi frá sér bókina Marrið í stiganum sem þaut strax upp á metsölulista bókabúðanna.

Lestu þetta næst

Barnið er svangt

Barnið er svangt

Sól_Ey, Lokaverk af sviðshöfundabraut við LHÍ eftir Egil Andrason. Stofa L220 er lítil og...

Höfugur ilmur

Höfugur ilmur

Meðan leikhúsgestir streyma inn í Kassann í Þjóðleikhúsinu stendur Unnur Ösp bakvið örþunnt og...

Tíminn teygir úr sér

Tíminn teygir úr sér

X eftir Alistair McDowall Klukkan er 20:07 og Ray er að fá sér að borða. Gilda orðar áhyggjur...

Hægt og hljótt

Hægt og hljótt

Hvítalogn er fimmtánda skáldsaga Ragnars Jónassonar og önnur bókin í þríleiknum um lögreglumanninn...