Lestrarklefinn var á dögunum í samstarfi við Átak, félag fólks með þroskahömlun og Listvinnzluna en út frá þessu góða samstarfi spratt upp ljóðasmiðja, ljóðaupplestur á Menningarnótt og afraksturinn, ljóðin eftir hin fjölbreyttu skáld, fá nú að vera birt hér á vef Lestrarklefans.
Mörg skáldanna hafa verið að skrifa lengi og önnur voru að spreyta sig á ljóðlistinni í fyrsta skiptið.
Hvað er gervi og hvað er
alvöru?
það sem þú telur alvöru
tel ég kannski gervi
og öfugt
Hvað ef ekkert er alvöru?
Hvað ef við búum öll
í ímynduðum
heimi?
Þá segir þú
æj, hættu að pæla í
svona skrýtnum
spurningum.
Gríman
Þú fæðist í samfélags, sem segir
endalaust að vera „maður sjálfur“
en þegar einhver gerir eitthvað sem
er hugsað sem skrýtið er
sagt „Nei, hættu! við gerum
þetta ekki svona“
Þér er sagt að fela hver þú
í raun ert setja upp grímu
„Vertu þú en ekki vera þú“
feldu gleðina, sorgina, reiðina
feldu allt bakvið grímuna
Nei ég mun ekki fela mig
meir, ég vil vera ég!
fögnum fjölbreytileikanum og
fellum grímuna.
Harpa Rut
