Við höfum vaknað af dvala sumarlestursins og tökum fagnandi á móti haustinu (þó það sé oftar en ekki bara nokkrir dagar her á landi).Sumarið er liðið og með því hinsegin dagar sem fóru fram með breyttu sniði í ágúst ár. Við í Lestrarklefanum munum hins vegar varpa ljósi á hinsegin bókmenntir næsta mánuðinn.
Við munum deila með ykkur umfjöllunum um klassísk hinsegin bókmenntaverk til að mynda Orlandó eftir Virginiu Woolf, og nýlegri verk með hinsegin aðalpersónum, þeirra á meðal The Seven Husbands of Evelyn Hugo eftir Taylor Jenkins Reid.
Í samstarfi við Samtökin ’78 fögnum við fjölbreytileikanum í bókmenntum með lista af verkum sem enginn má láta framhjá sér fara. Njótið föllnu laufanna og PSL* drykkjanna, lesið með okkur og notið myllumerkið #hinsegidhaust
*PSL er, fyrir þá örfáu sem ekki vita, skammstöfun á Pumpkin Spice Latte!
