Emil Hjörvar Petersen hefur skrifað tvær bækur fyrir Storytel Original; Ó, Karítas og Hælið. Sú breyting er þó á útgáfu hljóðbókarinnar Hælið að henni fylgir líka prentuð bók og því tekur Storytel þátt í hinu íslenska jólabókaflóði.

Hælið er hrollvekja úr íslenskum veruleika. Sagan segir af Uglu og fjölskyldu hennar. Ugla er óskaplega venjulegur Kópavogsbúi, verslunarstjóri í Bónus, á tvo unglinga, mann og íbúð í fjölbýlishúsi. Henni sinnast við nágranna sinn, sem er sérvitur listamaður. Á sama tíma fara að eiga sér stað undarlegir atburðir í nágrenni hennar. Þegar sonur hennar hverfur á dularfullan hátt hefst atburðarrás sem dregur Uglu í gegnum tíma og rúm og Kópavogshæli kemur mikið við sögu.

Hrollur að kvöldi

Emil Hjörvar sækir efnivið sinn úr sögu staðarins í kringum Kópavogshæli. Þar var áður þingstaður og aftökustaður. Reimleikana í kringum Hælið er hægt að rekja þangað í sögunni. Einnig koma við sögu berklasjúklingar af Kópavogshæli og holdsveikisjúklingar. Það er því komið við á ansi mörgum stöðum. Allt er það hluti af flókinni fléttu en Emil heldur fast í alla þræðina og dregur þá á rétta staði, og lesandann með.

Góð hrollvekja verður að vekja hroll og skapa andvökunætur. Fyrri hluti bókarinnar uppfyllti þau skilyrði. Þegar fötin á snaganum í svefnherberginu voru farin að minna á mannverur fannst mér nóg um, lokaði bókinni og reyndi að hugsa fallegar hugsanir. Mér fannst Emil Hjörvar aðeins of fljótur að afhjúpa illmennið í sögunni og fyrir vikið varð bókin að spennusögu seinni hluta bókarinnar. Hið dularfulla var opinberað of snemma. En sem hrollvekjandi spennusaga stóð bókin vel undir sér. Fléttan í bókinni var ekkert of flókin framan af, frekar dularfull, en þegar tímaferðalag bætist inn í það þá verður hún óhjákvæmilega flóknari. Það er bara eitthvað við tímaferðalög sem beygla á manni heilann.

Ég hafði gaman af því að láta hræða mig með Hælinu. Stíll Emils er þægilegur og auðlesinn og fyrir vikið er bókin fljótlesin líka. Fyrri hlutinn var hrollvekjandi og virkjaði ímyndunaraflið svo um munaði.

Lestu þetta næst

Júlían er fullkominn

Júlían er fullkominn

Aumingja Efia er bara átta ára og stjúpmamma hennar pínir hana til að lesa með sér barnabækur til...

Gratíana fullorðnast

Gratíana fullorðnast

Benný Sif Ísleifsdóttir stimplaði sig rækilega inn á rithöfundasenuna á Íslandi við útgáfu fyrstu...

Héragerði yfir páskana

Héragerði yfir páskana

Lóa Hlín Hjálmtýsdóttir er líklega best þekkt fyrir bráðfyndnar og beint-í-mark myndasögur. Til...

Systkinin í Rumpuskógi

Systkinin í Rumpuskógi

Systkinin Teddi og Nanna eru ákaflega samheldin refasystkin og búa saman í Stóru borg, þar sem öll...

Edinborg í aðalhlutverki

Edinborg í aðalhlutverki

Nú er farið að líða að aðventunni og því tilvalið að taka því rólega, búa sér til heitt súkkulaði...