Maístjarnan eru mikilvæg verðlaun. Það þarf að huga að ljóðinu og það gleður mitt ljóðelska hjarta að því sé sérstaklega fagnað. Í ár fengu sex frábærar ljóðabækur tilnefningu til verðlaunanna sem Landsbókasafn Íslands og Rithöfundasambandið standa fyrir. Sjötíu ljóðabækur voru gjaldgengar en það eru allar útgefnar íslenskar ljóðabækur ársins 2025 sem skilað var í skylduskilum til Landsbókasafns Íslands – Háskólabókasafns.
Lestrarklefinn hefur nú þegar fjallað um fjórar af sex tilnefndum verkum og það má ýta á slóðina sem tengd er við nafn bókanna ef áhugi er fyrir að lesa umfjallanirnar:
Dómnefnd skipa Áslaug Jónsdóttir fyrir hönd Rithöfundasambandsins, Tómas Ævar Ólafsson fyrir hönd Landsbókasafnsins og Sveinn Yngvi Egilsson fyrir hönd Háskóla Íslands og handhafi verðlaunanna verður kunngjörður við athöfn í Þjóðarbókhlöðunni þann 20. maí.
Gaman er að segja frá því að verðlaunin hafa verið veitt frá árinu 2017 og er markmið verðlaunanna tvíþætt. Að hefja upp íslensku ljóðabókina og hvetja fólk til að yrkja, skrifa og gefa út og líka til að ýta undir að bókunum sé skilað í skylduskil svo þær varðveitist og séu aðgengilegar því algengt er að ljóðabækur séu einkaútgáfa og/eða prentaðar erlendis.
Þau sem vilja glöggva sig betur á þessum sterku ljóðabókum geta skellt sér á Þjóðarbókhlöðuna en allar tilnefndar bækur eru til sýnis í anddyrinu.
Sunna Dís, Jón Kalman, Annu Rós, Vala Hauks, Einar Kári Jóhannsson frá Benedikt og Vera Knútsdóttir frá Forlaginu.
