Rithornið: Ferðin

Ferðin

Tvö börn

lögðu af stað í ferð

glöð og eftirvæntingarfull

leið okkar lá um grösuga dali og gróðursnauð fjöll

í góðviðri, stormi og glórulausri þoku

við sátum veislur

og sultum

dönsuðum, dottuðum og duttum í lukkupott

áttum lífíð í hvort öðru

með hvort öðru

og það var stundum gott

áttum börn og buru

1, 2, 3 og það varst þú

við fórum svo

langt að heiman

fundum enga brauðmola til að rekja slóðina til baka

skyndilega var ég ein í aftaksbyl á heiðinni

í mörg ár á leiðinni

förunautur minn orðinn annars ferðafélagi

ég gekk hringi í kring um það sem var

ókunn slóð

hringur miðflóttans

 

[hr gap=”30″]

 

Að fara

 

Á haustin fórum við suður

við pökkuðum öllu

kvöddum í vinnunni

kvöddum pabba og mömmu

þau stóðu á hlaðinu

í haustlitum

og veifuðu

við sáum þau alveg þangað til við komum yfir háheiðina

tveir litlir punktar

í firðinum

en samt svo skýrir

við sögðum ekkert

fyrr en mörgum heiðum og fjörðum síðar

 

[hr gap=”30″]

 

Ragnheiður Lárusdóttir hefur starfað sem íslenskukennari í menntaskóla í rúm 20 ár og er íslensku- og bókmenntafræðingur. Auk þess er hún lærð söngkona og með meistaragráðu í listkennslufræði. Ragnheiður býr í vesturbæ Reykjavíkur og á þrjú börn.

Lestu þetta næst

Aldingarðurinn okkar

Aldingarðurinn okkar

Aldingarðurinn okkar Eden í Tjarnarbíó.  Í Tjarnarbíó hefur salnum verið breytt í náið rými....

Falskur léttleiki

Falskur léttleiki

Eyja er ung kona sem vinnur á fréttamiðli. Hún hefur verið í sambandi síðustu átta árin og býr...

Refarím og kanínukvæði

Refarím og kanínukvæði

Barnabækurnar Sokkarnir hans Rebba og Kanínan vill kúra eru nýlega komnar út í íslenskri þýðingu. Um er að ræða harðspjalda bækur með flipamyndum eftir breska höfundinn Julia Donaldson og hinn þýska myndhöfund Axel Scheffler.

Tifandi rauðar klukkur

Tifandi rauðar klukkur

Sagan Rauðar klukkur (e. Red Clocks) gerist í Norður-Ameríku, í óljósri náframtíð. Þungunarrof eru...